Y Lleoliad

Mae Gwesty Holland House by Sundays wedi ei leoli yng nghanol Caerdydd. Wedi ei adeiladu'n wreiddiol ym 1968, mae Gwesty Holland House Caerdydd yn westy 15 llawr 4 seren sy'n cynnig cyfleusterau moethus - sba modern, campfa â chyfarpar da, bwyty, a mannau digwyddiadau helaeth - i gyd o fewn canol dinas fywiog Caerdydd. 

Cynhelir y gynhadledd yn Ystafell Calon ar y llawr gwaelod ac Ystafell Caernarfon ar y llawr cyntaf. Mae'r lleoliad yn gwbl hygyrch ac mae lifftiau ar gael i'r llawr cyntaf.

Tren:

Yr orsaf drenau agosaf ydy Caerdydd Heol Y Frenhines (tua 8 munud ar droed).

Y prif orsaf drenau agosaf ydy Caerdydd Canolog (tua 23 munud ar droed a rhai munudau mewn tacsi).
Mae trenau rheolaidd iawn yn rhedeg rhwng Caerdydd Canolog a Chaerdydd Heol Y Frenhines (1 stop) ac yn cymryd rhai munudau.

Mae gan orsaf drenau Caerdydd Canolog gysylltiadau ardderchog â phob rhan o’r DU. Mae canol Llundain lai na 2 awr i ffwrdd ar y trên (bob 30 munud fel arfer) ac mae trenau rheolaidd yn cysylltu Caerdydd â gorllewin Cymru, gogledd Cymru, Bryste, Caerfaddon, Birmingham, Manceinion a Chaeredin.

Car:

Gadewch draffordd yr M4 wrth gyffordd 33 (o'r gorllewin) neu gyffordd 30 (o'r dwyrain). Mae gwesty Holland House rhai milltiroedd o'r M4. 

Parcio:

Mae nifer *cyfyngedig* o lefydd parcio taledig ar gael yn y gwesty (gan gynnwys 5 lle parcio bathodyn glas) - y cyntaf i'r felin. Mae parcio talu ac arddangos ar gael ar The Parade, East Grove, West Grove a strydoedd lleol eraill. Mae opsiynau lleol eraill yn cynnwys NCP Cardiff Knox Road, NCP Cardiff Adam Street ac NCP Cardiff Dumfries Place.

Awyren:

Mae Maes Awyr Caerdydd tua 25 munud mewn car o Holland House a chanddi hediadau uniongyrchol i/o nifer o ddinasoedd gwahanol, gan gynnwys Dulyn (Ryanair), Belfast (Aer Lingus) ac Amsterdam (KLM). Mae opsiynau eraill yn cynnwys maes awyr Bryste, maes awyr Birmingham a maes awyr Heathrow.

Gwestai:

Mae gan Holland House 172 o ystafelloedd gwely ar y safle. Gallwn gynnig pris arbennig i'r rheiny sy'n mynychu'r gynhadledd. Gwybodaeth ar gael ar y dudalen Cwestiynau cyffredin. Mae gwestai lleol eraill yn cynnwys easyHotel Cardiff, Premier Inn Cardiff City Centre (Queen Street), Leonardo Hotel Cardiff a gwestai eraill yng nghanol Caerdydd.

Awr neu ddwy i sbario?

Os ydych chi'n ymweld â Chaerdydd am y tro cyntaf, yn aros y nos neu'n cael rhywfaint o amser sbâr tra bo' chi yma, mae llawer i'w weld a'i wneud. Mae Caerdydd gyda’i chastell, diwylliant, bwytai, bariau, Stadiwm Principality, Amgueddfa Genedlaethol Cymru ac ardal eiconig Bae Caerdydd (yn y llun). Mae Arfordir Treftadaeth Morgannwg hefyd yn daith fer i ffwrdd.

I’r cyfeiriad arall, awr i’r gorllewin mae Abertawe a phenrhyn godidog Gŵyr. Gallwch chi fwynhau Bae Abertawe, Marina Abertawe a'r milltiroedd o arfordir hardd sydd yn yr ardal.